អង្គការសហប្រជាជាតិ ថ្កោលទោសការបង្ក្រាប ដែលកំពុងកើនឡើងនៅក្នុង ប្រទេសថៃ !!!!
ដោយះ លោក ពេជ្រ ចាន់វិជ្ជា
ប្រែសម្រួលពីសារព័ត៌មាន Reuters News
ចេញផ្សាយថ្ងៃ សៅរ៍ ១២កើត ខែបុស្ស ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី ២៦ ខែ ធ្នូឆ្នាំ២០២០
ព័ត៌មានអន្តរជាតិ
រដ្ឋធានីហ្សឺណែវ :
នៅក្នុងសប្តាហ៍ថ្មីៗកន្លងមកនេះអាជ្ញាធរថៃបានចោទប្រកាន់អ្នកតវ៉ាយ៉ាងហោចណាស់៣៥នាក់រួមមានទាំងសិស្សអាយុ១៦ឆ្នាំផងដែរពីបទបរិហារកេរ្តិ៍រាជវង្សថៃ។អ្នកនាំពាក្យនៃការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សអ្នកស្រី Ravina Shamdasani និយាយថា ការចាប់ខ្លួនអនីតិជនជារឿងគួរឱ្យព្រួយបារម្ភជាពិសេស។
អ្នកស្រី Shamdasani និយាយថា ក្មេងប្រុសនេះត្រូវបានចាប់ខ្លួនដោយសារអ្វីដែលគេហៅថាការចោទប្រកាន់ពីបទប្រមាថព្រះមហាក្សត្របន្ទាប់ពីក្មេងនេះចូលរួមក្នុងការបង្ហាញម៉ូដសម្លៀកបំពាក់មួយដែលចម្អកឲ្យម៉ូដសម្លៀកបំពាក់របស់រាជវង្ស។បទប្រមាថព្រះមហាក្សត្រជាបទប្បញ្ញត្តិមួយនៅក្នុងក្រមព្រហ្មទណ្ឌថៃ ដែលកំណត់ទោសជាប់ពន្ធនាគារចាប់ពី៣ឆ្នាំទៅ១៥ឆ្នាំចំពោះការបរិហារកេរ្តិ៍ ប្រមាថ ឬគំរាមកំហែងដល់រាជវង្សថៃ។
អ្នកស្រី Shamdasani និយាយថាការបង្ហាញម៉ូដនោះជាផ្នែកនៃការប្រមូលផ្តុំរបស់សិស្សានុសិស្សដែលរៀបចំឡើងជាផ្នែកមួយនៃការតវ៉ាទ្រង់ទ្រាយធំដែលបានធ្វើឡើងអស់រយៈពេល៤ខែចុងក្រោយនេះ។អ្នកតវ៉ាកំពុងអំពាវនាវឱ្យមានការផ្លាស់ប្តូររដ្ឋាភិបាលនិងយោធា ព្រមទាំងកំណែទម្រង់រាជានិយម។អ្នកស្រី Shamdasani និយាយថាសិស្សានុសិស្សនិងក្មេងប្រុសនោះគ្រាន់តែអនុវត្តសិទ្ធិសេរីភាពនៃការបញ្ចេញមតិរបស់ពួកគេតែប៉ុណ្ណោះ។
អ្នកស្រី Shamdasani បាននិយាយថា៖«ដូច្នេះប្រើប្រាស់ច្បាប់ដែលកាត់ទោសដាក់ពន្ធនាគារអតិបរិមា១៥ឆ្នាំចំពោះបទល្មើសចំពោះការបទដកស្រង់សម្តីដាច់កំណាត់ៗមិនស្របតាមកាតព្វកិច្ចរបស់ថៃនៅក្រោមកតិកាសញ្ញាអន្តរជាតិស្តីពីសិទ្ធិពលរដ្ឋនិងសិទ្ធិនយោបាយពាក់ព័ន្ធនឹងសិទ្ធិសេរីភាពនៃការបញ្ចេញមតិនោះទេ»។អ្នកស្រីShamdasani និយាយថាថៃបន្តមិនអើពើចំពោះការអំពាវនាវម្តងហើយម្តងទៀតរបស់អង្គការឃ្លាំមើលរបស់អង្គការសហប្រជាជាតិរួមទាំងគណៈកម្មាធិការសិទ្ធិមនុស្សអង្គការសហប្រជាជាតិសុំឲ្យថៃធ្វើច្បាប់ព្រហ្មទណ្ឌរបស់ខ្លួនស្របនឹងកាតព្វកិច្ចថៃនៅក្រោមសន្ធិសញ្ញាអន្តរជាតិ។
អ្នកស្រី Shamdasani បាននិយាយថា៖«វាជាការខកចិត្តយ៉ាងខ្លាំងដែលក្នុងរយៈពេល២ឆ្នាំមិនមានករណីអ្វីទាល់តែសោះប៉ុន្តែស្រាប់តែយើងឃើញមានករណីដ៏ច្រើនហើយអ្វីដែលគួរឲ្យតក់ស្លក់នោះគឺឥឡូវនេះមានបទចោទអនីតិជនផងដែរ។យើងនៅតែមានការព្រួយបារម្ភថាការចោទប្រកាន់ព្រហ្មទណ្ឌធ្ងន់ធ្ងរផ្សេងៗទៀតកំពុងត្រូវបានធ្វើឡើងប្រឆាំងនឹងអ្នកតវ៉ាដែលចូលរួមនៅក្នុងការតវ៉ាដោយសន្តិវិធីនៅក្នុងប៉ុន្មានខែកន្លងមកនេះរួមទាំងការចោទប្រកាន់ពីការបង្កចលាចលនិងបទល្មើសដែលមានចែងនៅក្នុងច្បាប់ស្តីពីបទល្មើសកុំព្យូទ័រផងដែរ»។
អង្គការឃ្លាំមើលសិទ្ធិមនុស្សបានលើកឡលើកឡើងថាច្បាប់នេះផ្តល់សិទ្ធិដ៏ទូលំទូលាយដល់រដ្ឋាភិបាល។វិធានការនេះត្រូវបានគេប្រើប្រាស់ដើម្បីបំបិទសំឡេងប្រឆាំងរដ្ឋាភិបាលនិងរាជានិយម។ការិយាល័យសិទ្ធិមនុស្សអង្គការសហប្រជាជាតិនេះកំពុងអំពាវនាវឲ្យរដ្ឋាភិបាលបញ្ឈប់ការចោទប្រកាន់បទព្រហ្មទណ្ឌលើពលរដ្ឋដែលអនុវត្តសិទ្ធិសេរីភាពនៃការបញ្ចេញមតិ និងការជួបជុំដោយសន្តិវិធីរបស់ពួកគេ។ការិយាល័យនេះនិយាយថាការចាប់ខ្លួនពលរដ្ឋចំពោះការអនុវត្តសិទ្ធិទាំងនេះជាការចាប់ខ្លួនឬការឃាត់ខ្លួនតាមទំនើងចិត្តដែលត្រូវបានហាមឃាត់ដោយច្បាប់សិទ្ធិមនុស្សអន្តរជាតិ៕
ដោយះ គេហទំព័រ បារមីមានរិទ្ធិ លោកយាយម៉ៅ
https://www.bmm-news.com/
