សង្គ្រាមស៉ីវិល បានបណ្ដាល អោយមនុស្ស ចំនួន ២០៧នាក់ត្រូវបានសម្លាប់ ក្នុងការវាយប្រហារថ្មី មួយនៅប្រទេសអេត្យូពី !!!!!
ដោយះ លោក ពេជ្រ ចាន់វិជ្ជា
ប្រែសម្រួលពីសារព័ត៌មាន Reuters News
ចេញផ្សាយថ្ងៃ អាទិត្យ ១៣កើត ខែបុស្ស ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី ២៧ ខែ ធ្នូឆ្នាំ២០២០
ព័ត៌មានអន្តរជាតិ
Mekele :
មនុស្សសរុបចំនួន ២០៧ នាក់ត្រូវបានសម្លាប់នៅក្នុងការវាយប្រហារប្រដាប់អាវុធមួយកាលពីថ្ងៃពុធនៅភាគខាងលិចប្រទេសអេត្យូពី។ អត្រាអ្នកស្លាប់បានកើនឡើងជាងទ្វេដងប្រៀបធៀបនឹងស្ថិតិចាស់។ នេះបើតាមការអះអាងរបស់គណៈកម្មាធិការសិទ្ធិមនុស្សអេត្យូពី (EHRC) កាលពីយប់ថ្ងៃសុក្រ ទី២៥ ធ្នូម្សិលមិញ។ការវាយប្រហារចុងក្រោយនេះកើតឡើងនៅក្នុងតំបន់មេកេឡេ (Mekele) នៃរដ្ឋបេនីស្ហានហ្គូល ហ្គូមឺហ្ស (Benishangul-Gumuz) ភាគខាងលិចប្រទេសអេត្យូពី។ គណៈកម្មាការធិការសិទ្ធិមនុស្សអេត្យូពី (EHRC) បានឲ្យដឹងថាក្នុងចំណោមជនរងគ្រោះទាំងអស់មានបុរសចំនួន ១៣៣ នាក់ ស្ត្រី ៣៥ នាក់ មនុស្សចាស់ ២០នាក់ និងកុមារ ១៧ នាក់ដែលក្នុងចំណោមនោះមានម្នាក់ជាទារកអាយុទើបបាន ៦ ខែប៉ុណ្ណោះ។
នៅពេលនេះ កិច្ចខិតខំប្រឹងប្រែងដើម្បីកំណត់អត្តសញ្ញាណជនរងគ្រោះកំពុងបន្តធ្វើដោយមានជំនួយពីអ្នកនៅរស់រានមានជីវិត និងដោយយោងតាមឯកសារអត្តសញ្ញាណផ្សេងៗ។ មន្ត្រីប៉ូលិស អាជ្ញាធរក្នុងតំបន់ ព្រមទាំងការិយាល័យមេធាវី ត្រូវបានបង្កើតឡើងដើម្បីពិនិត្យអត្តសញ្ញាណ ការចុះឈ្មោះ និងពិធីបញ្ចុះសពជនរងគ្រោះ។មន្ត្រីក្នុងតំបន់ម្នាក់ក៏បានជូនដំណឹងដល់គណៈកម្មាធិការសិទ្ធិមនុស្សអេត្យូពីដែរថាជនរងគ្រោះពីរនាក់បន្ថែមទៀតបានស្លាប់ខណៈពេលដែលកំពុងទទួលការព្យាបាលនៅមន្ទីរពេទ្យ Bulen កាលពីថ្ងៃព្រហស្បតិ៍កន្លងទៅ។
បន្ទាប់ពីការវាយប្រហារកាលពីថ្ងៃពុធ ក្រុមអ្នកការពារសិទ្ធិមនុស្សបានអំពាវនាវសាជាថ្មីទៀតដល់អាជ្ញាធរពាក់ព័ន្ធឲ្យផ្តល់ជំនួយមនុស្សធម៌ដែលត្រូវការចាំបាច់និងជាបន្ទាន់ដើម្បីចែកជូនដល់ជនរងគ្រោះនិងមនុស្សដែលរត់ចេញពីផ្ទះសម្បែងពីព្រោះតែអំពើវាយប្រហារ។គួរជម្រាបជូនថា ការវាយប្រហារការបង្ហូរឈាមបានកើតឡើងនៅវេលាម៉ោងប្រមាណ ១០ យប់ ម៉ោងនៅអេត្យូពីកាលពីថ្ងៃអង្គារ។ ក្រុមប្រដាប់អាវុធបានបាញ់រះសំដៅទៅលើអ្នកស្រុកនៅពេលដែលពួកគេកំពុងលង់លក់ក្នុងដំណេក ហើយដំណាំរបស់ពួកគេជាច្រើនទៀតត្រូវបានដុតបំផ្លាញខ្ទេចខ្ទីអស់ផងដែរ។
អាជ្ញាធរអេត្យូពីបានឲ្យដឹងកាលពីថ្ងៃព្ងៃព្រហស្បតិ៍ថាទាហានរដ្ឋាភិបាលបានសម្លាប់ក្រុមប្រដាប់អាវុធ ៤២ នាក់ដែលបានចូលរួមក្នុងសកម្មភាពសម្លាប់រង្គាលខាងលើ។ យ៉ាងណាក៏ដោយ ទាហានអេត្យូពីមិនបានផ្តល់ព័ត៌មានលម្អិតឡើយអំពីអត្តសញ្ញាណរបស់ពួកគេ។ទន្ទឹមគ្នានេះ នាយករដ្ឋមន្រ្តីអេត្យូពីលោកអាប៊ី អាមេដ បានសរសេរនៅលើបណ្តាញសង្គមធ្វីតទ័រកាលពីថ្ងៃព្រហស្បតិ៍ថា “ការសម្លាប់រង្គាលនៅក្នុងតំបន់បេនីស្ហានហ្គូល ហ្គូមឺហ្ស គឺជារឿងដ៏សោកសៅខ្លាំងណាស់មួយ”។ លោកបានបន្តដោយទទួលស្គាល់ដែរថាកិច្ចខិតខំប្រឹងប្រែងរបស់រដ្ឋាភិបាលក្នុងការដោះស្រាយវិបត្តិនៅមិនទាន់ទទួលបានលទ្ធផលនៅឡើយទេ៕
ដោយះ គេហទំព័រ បារមីមានរិទ្ធិ លោកយាយម៉ៅ
https://www.bmm-news.com/
